Того же лета безбожныи и злочестивыи ординскыи поганыи Мамаи, събравъ рати многы и всю землю Половецкую и Татарскую, и рати понаимовавъ, Фрязы и Черкасы и Ясы, и съ всеми поиде на великаго князя Дмитриа Ивановичя и на всю землю Русскую. И бысть месяца Августа, приидоша отъ орды вести къ князю великому Дмитрию Ивановичю, яже въздвизается рать Татарская на христианы, поганыи родъ Измалтескыи; и Мамаи нечестивыи люте гневашеся на великаго князя Дмитриа о своихъ друзехъ и любовницехъ и о князихъ, иже побьени быша на реце на Воже, подвижася силою многою, хотя пленити землю Русскую. Се же слышавъ, князь великии Дмитреи Ивановичь, събравъ воя многы, поиде противу ихъ, хотя боронити своея отчины и за святыя церкви и за правоверную веру христианскую и за всю Русскую землю. И переехавъ Оку, прииде ему пакы другая весть, поведаша ему Мамая за Дономъ събравшася, въ поле стояща и ждуща къ собе Ягаила на помочь, рати Литовскыя. Князь же великии поиде за Донъ и бысть поле чисто и велико зело, и ту сретошася погании Половци, Татарьскыи полци, бе бо поле чисто на усть Непрядьвы рекы. И ту исполнишася обои, и устремишася на бои; и ступишася обои, и бысть на долзе часе брань крепка зело и сеча зла. Чрес весь день сечахуся, и падоша мертвыхъ множество безчислено отъ обоихъ, и поможе Богъ князю великому Дмитрию Ивановичю, а Мамаевы полци погании побегоша, а наши после, бьюще, секуще поганыхъ безъ милости. Богъ бо невидимою силою устраши сыны Агаряны, и побегоша, обратиша плещи свои на язвы, и мнози оружиемъ падоша, а друзии въ реце истопоша, и гнаша ихъ до реки до Мечи, и тако множество ихъ избиша, а друзии погрязоша въ воде и потонуша. Иноплеменници же гоними гневомъ Божиимъ и страхомъ одержими суще, и убежа Мамаи въ мале дружине въ свою землю Татарскую. И бысть побоище месяца Сентября въ 8 день на Рожество святыя Богородица, въ суботу до обеда. И ту убьени быша въ суиме: князь Феодоръ Романовичь Белозерскии, сынъ его князь Иванъ Федоровичь, Семенъ Михаиловичь, Микула Васильевичь, Михаило Ивановичь Акинфовичь, Андреи Серкизовъ, Тимофеи Волуи, Михаило Бренковъ, Левъ Морозовъ, Семенъ Меликъ, Александръ Пересветъ и инии мнози. Князь же великии Дмитреи Ивановичь съ прочими князми Русскыми, и съ воеводами, и съ бояры, и съ велможами и с останочными полкы Русскыми, ставъ на костехъ, благодаривъ Бога, и похвали похвалами дружину свою, иже крепко бишася съ иноплеменникы и твердо за нь брашася, и мужескы храбровашася и дръзнуша по Бозе за веру христианьскую, и възвратися оттуду на Москву въ свою отчину съ победою великою, одоле ратнымъ, победивъ врагы своя.
Симеоновская летопись. ПСРЛ. Т. 18. С. 129-130
Историческая оценка:
1.Согласно традиционной точке зрения, восходящей к Карамзину, Куликовская битва являлась первым шагом к освобождению русских земель от золотоордынской зависимости.
2.Сторонники православного подхода, вслед за неизвестным автором Сказания о Мамаевом побоище, видят в Куликовской битве противостояние христианской Руси степным иноверцам.
3.Крупнейший русский историк XIX века С. М. Соловьёв полагал, что Куликовская битва, остановившая очередное нашествие из Азии, имела то же значение для Восточной Европы, которое имели битва на Каталаунских полях 451 года и битва при Пуатье 732 года для Западной Европы.
Рекомендуемые статьи на ту же тему:
Этно-расовый национализм Древней Руси. Часть 4, заключительная.
https://vk.com/wall-47041459_23954
Последствия татарщины для русских городов и экономики в целом.
https://vk.com/wall-47041459_10821
Куликовская битва: как русские победили Многонациональную Ордынскую Федерацию
http://sputnikipogrom.com/mustread/4505/kulikovo/#.Ve..
Симеоновская летопись. ПСРЛ. Т. 18. С. 129-130
Историческая оценка:
1.Согласно традиционной точке зрения, восходящей к Карамзину, Куликовская битва являлась первым шагом к освобождению русских земель от золотоордынской зависимости.
2.Сторонники православного подхода, вслед за неизвестным автором Сказания о Мамаевом побоище, видят в Куликовской битве противостояние христианской Руси степным иноверцам.
3.Крупнейший русский историк XIX века С. М. Соловьёв полагал, что Куликовская битва, остановившая очередное нашествие из Азии, имела то же значение для Восточной Европы, которое имели битва на Каталаунских полях 451 года и битва при Пуатье 732 года для Западной Европы.
Рекомендуемые статьи на ту же тему:
Этно-расовый национализм Древней Руси. Часть 4, заключительная.
https://vk.com/wall-47041459_23954
Последствия татарщины для русских городов и экономики в целом.
https://vk.com/wall-47041459_10821
Куликовская битва: как русские победили Многонациональную Ордынскую Федерацию
http://sputnikipogrom.com/mustread/4505/kulikovo/#.Ve..
